泰金鍋

營業中

休息中

泰式火鍋覺得幾特別就黎試下。一黎到係先揀湯底，我地揀左一人一鍋，噤就可以試下唔同嘅湯底嘛，我要馬來娘惹叻沙鍋，仔仔要日式蕃咖鍋。有澳洲產極選肩胛牛小排，另外仲可以用QR code order 極上牛舌，泰式沙爹雞肉串，泰式沙爹豬肉串，蟹子墨魚滑，蝦片等等！牛小排認真唔錯，無雪味，肥瘦適中！泰式沙爹雞肉串同泰式沙爹豬肉串非常好味，重沙爹汁！蟹子墨魚滑好爽口，蝦片好脆好食！食物種類都多，熱食有海南雞，仲有咖哩牛肉，肉碎生菜包等等。火鍋料更齊全，魚類，丸類，腸類，蔬菜乜都有！甜品有椰汁糕，刨冰，雪條雪糕，更加有泰式特色飲品，泰式鳳爪，泰式青木瓜沙律同各類水果！椰汁糕好好食，唔太甜！而自制刨冰更係小朋友最愛，有椰果，涼粉，紅豆作配搭，仲有士多啤梨漿，朱古力漿，黑糖漿等等！呢度地方夠大，食物種類都算多，價錢亦唔太貴，的確唔錯！