爆丼屋 (已搬遷) 新店位置

《爆丼屋》旺角同九龍灣兩間分店，主打爆瀉配料既丼飯。九龍灣分店，餐廳位置好大，坐得都好闊落。#極上拖羅盛丼 💰245 有麵豉湯送。第一眼俾佢樣嚇到！真係滿瀉既感覺。啲配料堆到好高。丼飯面有十多塊拖羅圍住，切得比較薄，望落都覺得好滿足，岩曬中意食拖羅既朋友。如果有一半拖羅/一半其他配料既match更好。#六重相撲爆盛丼💰225 呢個啲配料好豐富，有炙燒左口魚裙邊、海膽、牛油果、蟹肉、黑魚籽、三文魚籽。每款都好食，配料堆到山咁高，食既時候都有一定難度。有幾款飲品提供，普通既罐裝汽水$18，波子汽水都好吸引！