鼎皇臭臭鍋 (已結業)

之前上網見到台灣臭臭鍋可以喺香港食到，就決定放工同朋友去試下！佢一共有8個鍋可以揀，我同朋友分別揀咗招牌臭臭鍋同埋蕃茄黑豚肉鍋。順帶一提臭臭鍋唔係真係臭嘅，只係佢好似臭豆腐果種臭咁香！當然要飲佢地嘅台式飲品啦，我地叫咗一杯珍珠奶茶同埋巨峰梳打，味道啱啱好，唔會太甜諗起一路可以打邊爐一路飲就覺得好正！我哋一人叫咗一個鍋，結果係食唔晒嘅，份量十足！成個鍋仲有好多料，除左有肉片，仲有丸、娃娃菜、枝竹同埋粉絲等等基本上食臭臭鍋最主要係個湯底番茄湯比較清甜，但略嫌有啲淡，臭臭鍋個湯底都好”臭”，非常濃味，唔洗點豉油都得我個人比較鐘意臭臭鍋嘅湯底，難怪係招牌！