鼎皇臭臭鍋 (已結業)

今日番工聽到d同事係咁講臭臭鍋，收工我又心郁郁去試下:PPP就係尖沙咀金馬倫道有間try try，依間有八款唔同既鍋，款款都想試，真係好難選擇 最後都係選擇咗台式烤魚鍋 $118，湯底可以自己揀 e.g.麻辣、蕃茄，我就揀咗自己最中意既藥膳湯 香濃既湯底，忍唔住一開波飲咗半碗，好大份烤魚，時間火喉控制得好好，條魚啱啱熟，嫩滑鮮甜，成個鍋除咗藥膳湯外，上面仲有紅棗杞子，另外又有好多菜，健康又養生 唔洗驚唔夠 材料下面仲有麵嫁，細食既話兩個人食一個都冇問題，一個人食就超滿