Bingo & Cook (駱克駅) (已搬遷) 新店位置

今日約咗個 friend去食韓國菜，因為好耐之前曾經嚟過呢間 Bingo & Cook, 覺得唔錯，所以今晚專登帶個 friend 嚟食。我哋點咗豬脚配米酒同埋牛肉炒粉絲。豬脚配米酒係用好大隻碟盛載，啲豬脚唔算好濃味，要用生菜包住，再夾著配料同醬料先好食；米酒甜甜哋，以為可以大大口飲，點知飲完兩碗已經成面紅晒，唔知有幾多度酒精，可能都會飲醉人。牛肉炒粉絲係用一隻湯碗上的，望見以為好細碗，食落都好多料，味道相當濃，粉絲烟韌入味，好好食，一啖牛肉粉絲一啖米酒，感覺超正。另外仲點咗杯藍莓奶昔，除了可解一解酒味外，仲可當飯後甜品。