影片
更多
2018-08-29
985 瀏覽
餐廳位於黃埔九號水產範圍內，系一個專門食海鮮魚生食肆雲集嘅廣場。唔去開呢頭都唔知有個咁嘅地方。第一次食 omasake 絕對有被驚艷到。雖然成間餐廳嘅氣氛的確令人食得有輕微嘅膽戰心驚。佈置採用簡樸嘅淺啡色木色為主，俾人和暖嘅感覺。環看周圍嘅客人好多都目測似係公司高層嚟傾生意，又或者嚟旅行嘅富有土豪，然後再望吓自己休休閒嘅一身穿搭，的確有啲突兀嘅～似中小妹望落似食元氣板長多過食 omasake 嘅人 但美食無疆界嘛值得一提餐廳門面非常低調。唔系特登慕名而嚟嘅話可能真係會錯過咗入口而不自知。但既然嚟到咁有質感嘅餐廳，就當然要嘆番次 VIP 級數嘅用餐享受啦。畢竟呢個就係 omasake 嘅精髓。菜單方面，omasake 套餐有三款唔同配搭嘅選擇。今次我揀嘅就係名為 「櫻 Sakura」嘅套餐。$780分別包咗前菜、佐酒小食、握壽司、季節限定嘅熱盤、卷物、湯品同埋甜品。前菜由三款醃製咗嘅小菜組成。可以肯定嘅係系佢地都係屬於日本漬物嘅食材。味道主要以濃列嘅酸味為主，非常開胃。握壽司方面，總共有 10 件唔同嘅壽司。每一件都鮮美無比。雖然冇食過咁貴嘅魚生，但老老實實味覺其實係識得辨認貴價貨嘅味道
第一次食 omasake 絕對有被驚艷到。雖然成間餐廳嘅氣氛的確令人食得有輕微嘅膽戰心驚。佈置採用簡樸嘅淺啡色木色為主，俾人和暖嘅感覺。環看周圍嘅客人好多都目測似係公司高層嚟傾生意，又或者嚟旅行嘅富有土豪，然後再望吓自己休休閒嘅一身穿搭，的確有啲突兀嘅～似中小妹望落似食元氣板長多過食 omasake 嘅人 但美食無疆界嘛
值得一提餐廳門面非常低調。唔系特登慕名而嚟嘅話可能真係會錯過咗入口而不自知。但既然嚟到咁有質感嘅餐廳，就當然要嘆番次 VIP 級數嘅用餐享受啦。畢竟呢個就係 omasake 嘅精髓。
菜單方面，omasake 套餐有三款唔同配搭嘅選擇。今次我揀嘅就係名為 「櫻 Sakura」嘅套餐。$780分別包咗前菜、佐酒小食、握壽司、季節限定嘅熱盤、卷物、湯品同埋甜品。
前菜由三款醃製咗嘅小菜組成。可以肯定嘅係系佢地都係屬於日本漬物嘅食材。味道主要以濃列嘅酸味為主，非常開胃。
握壽司方面，總共有 10 件唔同嘅壽司。每一件都鮮美無比。雖然冇食過咁貴嘅魚生，但老老實實味覺其實係識得辨認貴價貨嘅味道嘅。每一舊壽司飯同魚生嘅比例我覺得恰到好處。魚生亦幾厚身，唔會話得個樣其實切得好薄。
最後一幅圖嘅卷物同埋個兩件壽司係我自己另外點嘅。海膽油甘魚卷完全俘虜咗我個心。呢到嘅海膽味道層次豐富、好鮮味、一啲都唔腥，而且好滑漏，基本上可以話係入口即化。就連我呢個平時唔食海膽嘅人食咗佢都要重新審視自己係咪真係討厭海膽陣味。油甘魚亦好新鮮，兩種屬於唔同海鮮嘅味道撞埋一齊原來好夾!!! 另外兩舊深海池魚壽司，味道反而略淡。但未食過靚嘅池魚，純粹因為嘴饞想試吓而點咗兩件。
講番 omasake 嘅握壽司，每一件都俾人感覺非常華麗。除咗海膽之外最印象深刻屋嘅仲有赤貝、海蝦、梳子魚、鯖魚同埋
沙甸魚壽司。 味道上有一個共同點一啲都唔腥。平日最鍾情嘅拖羅已經被其他琳瑯滿目嘅魚生槍晒鏡。如果要我揀我諗我會話油金魚比拖羅味道更加明顯。
套餐嘅卷物係一條中長 size 嘅免治吞拿魚腩蓉卷，但味道其實比較淡口。不過作為10件精緻握壽司之後嘅小品，當清清味蕾準備食熱盤都適合嘅。
熱盤嘅菜餚係一份的式嘅牛脷兩切。食落似係用炆燉嘅方法烹調，所以非常軟熟。伴隨蘿蔔同豆一齊食，感覺其實幾消暑。呢個熱盤應該係走微溫路線 再一反襯出食完握壽司後高潮迭起之感。
麵豉湯有兩隻鮮味嘅煮蜆系入面令味道加分不少。話說一路食壽司其實冇咩湯水茶水落肚。飲番個湯感覺滋潤番唔少。
甜品係翠玉色日本蜜瓜同粟米。非常清新嘅配搭。見到師傅拎成個蜜瓜出黎切，純熟嘅刀法好快就分咗一份出黎。蜜瓜非常甜，粟米就還好。
第一次嘅 omasake 用 餐體驗咁就圓滿結束，亦都令小妹大開眼界。尤其係海膽，食過靚海膽真係番唔到轉頭。不過呢到有少少吐槽位，感覺師傅佢唔多睇好小妹對食物嘅鑑賞能力。我聽到我俾人話係「靚妹」 作為 foodie 嘅我躺著也中槍喎，系有啲周身唔聚財。我自知自己唔似咩富豪但都唔晒咁樣架嘛。我不斷影影影就係為咗記錄食物嘅美態為佢地留底倩影，難道尊重食物就唔可以影佢地 ？師傅你其實唔晒因為我而預備食材預備到苦瓜乾咁樣嘅～得罪你了小妹覺得很抱歉。
張貼
