影片
更多
2022-11-09
659 瀏覽
第一次喺OpenRice 寫食評，真係唔寫唔安樂超級難食！見到佢環境好好睇睇，望到有幾款養生湯，咁啱經過就入去試下試咗個蒜香炒帶子西蘭花飯，諗住都實冇死啦掛，一嚟到就咁睇都正正常常一食嚿西蘭花，痴線，勁硬！係要用虎牙咬先咬得入，同埋完全冇炒過！係因為，點會有炒嘅嘢係碟上有豉油？根本就係白灼加垃圾豉油，再係咁意加幾滴油咁啲豉油係似茶樓白灼菜嗰啲hea嘅甜豉油！仲有，菜名話有蒜蓉，我半粒蒜都見唔到！食半啖已經好嬲，到試下啖椰子烏雞湯，…….我真係失望到冇嘢好講，得味精味同少少椰子味，一嚿螺片都冇，就係茶記嘅例水咁（但佢單售要$60😑😑😑）帶子，食落去又係腥食咗一兩啖，本身都唔想浪費食物，打算外賣帶返屋企自己再炒下佢，但再比自己試下第二嚿西蘭花，真係頂唔順草青味，嘔返哂出嚟然後就成碟放棄起身走人世紀級厭惡！係令人食到心情好差，咁就$80學咩人開餐廳？
超級難食！見到佢環境好好睇睇，望到有幾款養生湯，咁啱經過就入去試下
試咗個蒜香炒帶子西蘭花飯，諗住都實冇死啦掛，一嚟到就咁睇都正正常常
一食嚿西蘭花，痴線，勁硬！係要用虎牙咬先咬得入，同埋完全冇炒過！係因為，點會有炒嘅嘢係碟上有豉油？根本就係白灼加垃圾豉油，再係咁意加幾滴油咁
啲豉油係似茶樓白灼菜嗰啲hea嘅甜豉油！
仲有，菜名話有蒜蓉，我半粒蒜都見唔到！
食半啖已經好嬲，到試下啖椰子烏雞湯，…….我真係失望到冇嘢好講，得味精味同少少椰子味，一嚿螺片都冇，就係茶記嘅例水咁（但佢單售要$60😑😑😑）
帶子，食落去又係腥
食咗一兩啖，本身都唔想浪費食物，打算外賣帶返屋企自己再炒下佢，但再比自己試下第二嚿西蘭花，真係頂唔順草青味，嘔返哂出嚟
然後就成碟放棄起身走人
世紀級厭惡！係令人食到心情好差，咁就$80學咩人開餐廳？
蒜蓉炒帶子西蘭花飯
36 瀏覽
0 讚好
0 留言
張貼
