天下第一腩 (已結業)

途經樂富， 見到門外一大塊牌匾 - 天下第一腩，又未見人龍，盡管試試。門外牌匾細講餐廳故事，甚有獅子山下ＦＥＥＬ。可能店鋪位置非旺區，同時又是下午茶時間，店內十多張枱，只滿三成。　原本想試試天下第一腩 (牛坑腩)，但阿姐話一早賣晒。（本人到達時間為三點）唯有退而求其次，試咗牛三寶麵(牛腩, 牛肚及牛筋) 。牛三寶麵 (牛腩, 牛肚及牛筋) - HKD34 (包熱飲)一上枱，成碗熱騰騰，十分有誠意！相比其他店鋪，餸菜十分充足，數數吓多達十件肉。牛筋炇得十分淋，充滿骨膠原，麵亦爽口，皂水味剛好。菜心亦非常新鮮。豬大腸麵 - HKD28 (包熱飲)成碗都係大腸，廿八蚊真係想點！大腸肥瘦適中，不油膩，但本人愛肥膩，故不是我杯茶，但正常人士／怕肥人士應可接受。對比麵食，水吧有點不靠譜，熱咖啡只有餘温，味道太淡。