日牛涮涮鍋專門店 (已結業)

今日經過見到有人排隊，過去睇下，見到第二位半價，最平$109 有牛肉+豚肉+雞肉，午市90分鐘任食，湯底都有6款，仲送現金券，咁抵就決定試下。外面可自取蔬菜，幾款丸類，仲有乳酪雪糕任食，汽水，飲品任飲，仲有飯任添，一定食得飽，價錢唔貴，環境乾淨企理，唔錯呀！胡椒湯底有大粒黑椒，黑椒味濃；泡菜湯 辣味少，有淡淡泡菜香，牛肉+豚肉+雞肉代表澳洲榖飼牛+豬肩肉+雞腿肉，榖飼牛大片薄身，3-4秒已熟透，牛味唔差；雞腿肉啖啖肉，夠嫩。豬肩肉油脂不少，無豬騷味