影片
更多
2014-03-27
3406 瀏覽
今次係第二次幫趁呢一間位於灣仔一棟商業大廈入便既中東小館 - OH FOOD清真阿拉拍料理，雖然佢位置隱蔽、同埋座位唔多，但係勝在菜式有特色、同埋食物既質素令老婆同我都好滿意。佢地serve既係清真食品，意思係伊斯蘭教(本地人又稱回教)所認可既食物。我地o係一個星期日既夜晚7點上到去，餐廳得6、7個客人到，我地坐既窗口位有開揚景觀、可以腑視修頓球場同埋軒尼詩道一帶。中東人伙記以友善既態度招呼我地，我地經過佢既推介之後叫左一個二人餐、另加一度主菜，菜式包括有: 番茜沙律、炸豆丸、扁豆湯、薯仔羊肉片同埋三文魚扒。首先係番茜沙律，番茜係平時去西餐廳食飯、d廚師放o係食物上面做裝飾o個d細細棵既綠色葉，o係呢度佢地就將番茜切到好細好碎，再加入左番茄同埋細細既燕麥粒，做成一個好fresh既沙律，食落去可以感受到番茜既新鮮同埋番茄既自然鮮甜味，非常開胃。跟住既炸豆丸係由雞心豆以及香料及芝麻所製成，六粒脹卜卜既豆丸炸得金黃香脆，面頭淋上左特色既芝麻醬汁，味道好濃郁，可以感受到佢地以好多不同既材料混和製成豆丸。再黎就係扁豆湯，雖然呢個係素菜湯，但係口感比較濃厚、味道帶點甘甜、相當具特色。而且好飽肚，建
我地o係一個星期日既夜晚7點上到去，餐廳得6、7個客人到，我地坐既窗口位有開揚景觀、可以腑視修頓球場同埋軒尼詩道一帶。中東人伙記以友善既態度招呼我地，我地經過佢既推介之後叫左一個二人餐、另加一度主菜，菜式包括有: 番茜沙律、炸豆丸、扁豆湯、薯仔羊肉片同埋三文魚扒。
首先係番茜沙律，番茜係平時去西餐廳食飯、d廚師放o係食物上面做裝飾o個d細細棵既綠色葉，o係呢度佢地就將番茜切到好細好碎，再加入左番茄同埋細細既燕麥粒，做成一個好fresh既沙律，食落去可以感受到番茜既新鮮同埋番茄既自然鮮甜味，非常開胃。
跟住既炸豆丸係由雞心豆以及香料及芝麻所製成，六粒脹卜卜既豆丸炸得金黃香脆，面頭淋上左特色既芝麻醬汁，味道好濃郁，可以感受到佢地以好多不同既材料混和製成豆丸。
再黎就係扁豆湯，雖然呢個係素菜湯，但係口感比較濃厚、味道帶點甘甜、相當具特色。而且好飽肚，建議兩個人share一碗。
主菜方面首先係薯仔羊肉，羊肉切成稍為厚身的條狀、加入中東香料醃製、味道帶有點酸甜、與羊肉本身的肉味頗為配合、而且完全沒有"穌"味，令我太太讚不絕口。同羊肉一齊炒有薯仔片，同埋以茄醬"箭"底，配以阿拉伯飯，阿拉伯飯係以香料煮成既淡黃色味飯，味道算溫和易入口，而且食完唔會口渴，相信冇落味精。
最係既係屬於餐牌上面"招牌菜"之一既三文魚扒，魚扒份量不錯，表面煎得金黃，裡面亦唔會乾身，火喉控制得好好，味道簡單直接，可以清楚品嚐到魚本身既味道，不會被醃料搶走其原味。配菜有煮雜菜，菜煮得比較淋，不過醬汁都算討好，菜亦入味。
總括黎講我同老婆都好滿意呢餐，食品有特色之餘亦都好味，份量夠價錢亦唔貴，雖然餐廳比較細、裝修簡單、但勝在有種家庭餐廳既感覺，呢一餐食得舒服、好味同埋唔血赤。
張貼