小白鷺餐廳 (已結業)

今次係第二次寫食評丫，今日去左大埔小白鷺餐廳，其實以前都想去，但係因為太遠，所以無去到；而家有車，所以先想去試一試。餐廳11月頭先裝修完，環境唔錯。講返野食先，今日專程去食午餐，叫咗一個軟殼蟹南瓜意大利飯和天使紅蝦墨魚意大利麵。先講個飯先，原隻軟殼蟹兩隻，夠哂誠意，飯既份量有點少，但勝在味道好，南瓜飯中間竟然有用少少芝士增加口感，個人認為好食。另外個意大利麵用六隻紅蝦加墨魚汁麵配搭而成，略帶微辣，麵條用牛油煮，但煮得太耐散晒，浪費咗。順道一提，個餐湯都有水準，係南瓜蓉忌廉湯加上幾滴橄欖油，個湯夠濃，有口感。