正品蕃茄湯麵店 (已結業)

呢間舖頭其實好耐之前已經嚟過，但之後因為太多更好食嘅嘢所以都冇嚟一排啦，唔嚟一排質素係差咗少少嘅，不過都係平民好食之選。呢間舖頭最重點嘅係佢嗰個蕃茄麵，首先有蕃茄蓉、蛋花、肉碎湯底，入邊個面底都係淡淡粉紅色，係由蕃茄所製成。你話好唔好食，又未去到超級好食，但係如果你鍾意蕃茄嘅，咁呢間舖頭呢就一定要嚟試吓。整體來講都得過且過啦，蕃茄湯底仍然係重點。蠔油生菜幾好食，可能因為有啲蠔油嘅關係。炸雞扒冇乜味，不過都揸得幾酥幾香口。炸雲吞呢都係推介，因為佢入邊呢應該係魚滑定係蝦滑嘅物體，有啲新鮮感嘅。