大戶屋

營業中

休息中

上次去過大戶屋食晚餐，真係好回味，可以喺香港揾到好正宗嘅日本料理，所以今晚繼續encore。今次我好想試「味噌醬煮豬扒鍋 」$121。套餐仲包括味增湯、前菜、茶碗蒸、白飯。炸豬扒配上味增湯底真係一流，炸豬扒的麵衣配上味噌，味道簡直係一絕，連白飯一齊食，一濃一淡真係好滋味。今次用會員迎新優惠換左一支清酒「菊正宗」，可惜只可以選凍清酒，不可以選熱。雖然係贈品但係品質真係唔差，要讚。最後，我哋叫咗一個「豆乳雲呢拿雪糕配綠茶啫喱 」$40，相比豬扒鍋，價錢有少少貴，不過都好好味，為今日嘅晚餐畫上一個完美嘅句號。