泰皇 (已結業)

今次係第四次幫襯，母親節正日好多人，我地一行三人都等左一陣。不過唔緊要，好食就得喇! 野食方面，我地叫左燒豬頸肉，個汁一流，D肉切得幾薄，肥瘦有致。另外，叫左兩串燒㷽，外脆內軟，正，次次黎都叫!之後再叫左個冬陰公湯，比較辣，但係好足料。不過，個人喜好，鐘意九龍城金寶多一D。最後就叫左蝦醬炒飯，都唔錯，炒得好香，如果可以再乾身D就更佳喇!服務好好，唯一要改善係上菜時比較耐，可能真係太多人。我黎左幾次，樓下話唔好食個D朋友，好多時係你叫錯左野食。