Maru Korean Restaurant & Bar (已結業)

因為朋友食過呢間D芝士蛋好掛住，所以我地今次係為芝士蛋而來的 環境  還環唔錯，坐位之間唔會太迫太近食物  最好味係燒牛肋骨，因為我地只係點一樣燒肉，廚房幫我地燒埋，正 !芝士蛋都好好味，飯卷都不過不失，最普通係泡菜餅，唔推介炸醬面。前菜可以不停添，唔錯 ~服務  好多侍應都係韓國人或者南亞人，好多時都要講英文，都有D識中文，態度都幾好，會簡唔中主動倒水，亦好好笑容。速度  上菜速度都算幾快價錢  3個女仔食左5樣野，埋單$570，有加一，韓國野黎講，算差不多。