辦館 (雅蘭中心) (已結業)

今日下午要去旺角買啲野，本來諗住行下街，睇吓衫，點知突然間落大雨，所以最後要搵個地方等朋友食飯。冒雨行到嚟旺角雅蘭中心，唯有搵間Cafe坐低飲杯咖啡寫下嘢，去到一樓就見到有間辦館，個格調非常唔錯，就坐低嗌杯嘢飲啦！ 叫咗杯Rose Latte，不過係少甜嗰隻。由於我習慣咗飲咖啡不嬲唔落糖，所以少甜就覺得啱啱好囉，如果落太多玫瑰糖漿，就會飲唔到啡味啦。望住counter後邊嘅同事整杯拿鐵，都幾寫意啊！飲落唔算好甜，有少少玫瑰味，咖啡都幾夠濃，奶泡又好綿，所以呢杯真係唔錯！坐坐下就唔經唔覺hea左一個鐘喇！