澳門丸記清湯腩王 (已搬遷) 新店位置

好耐未食過清湯腩。今日嚟石門辦點事，唔太熟呢頭。於是openrice吓附近有咩食。睇到呢間，好啦，就一於試吓！小店枱唔算多，但都幾多人幫襯喎😱睇咗餐牌，決定點一客招牌清湯腩河，同一客牛筋河。湯夠熱，牛腩算腍。聽到隔離枱指定要牛坑腩，但賣曬。牛腩同牛筋都算俾得多，價錢嚟講都係合理而且仲包杯嘢飲。聽講呢度嘅咖喱牛腩出名好食，下次嚟開石門都可以一試！另外，侍應姐姐都好殷勤招呼食客，使人有賓至如歸嘅感覺，同埋好有家庭feel。