影片
更多
2024-03-09
140 瀏覽
（長文，但請大家認真睇，唔好中伏！🙂）我地係星期五7:15pm到，個陣大概只有3-4枱客人。7:30落單，叫左香煎珍寶帶子意式青醬忌廉汁意粉($128）、cold cut($138)、香蒜辣椒牛肉粒($98)同埋4杯cocktail。4杯cocktail大概落單後20分鐘內就到齊晒。8:00pm到左個意粉，因為cold cut貨源唔夠冇得賣，所以我地就叫左個香腸拼盤($128)，但8:40pm先到。係中間個40分鐘因為我地已經等左好耐好肚餓，加上其他遲過我地黎嘅客人都已經有嘢食，所以我地分別問左2次2個唔同waitress追單。第一次個waitress話因為西餐係樓下煮所以要啲時間，佢態度幾好，咁我地就繼續等。又等左20分鐘左右，我地問左另一個waitress。我地問完佢一句答覆都冇就走左去check單😅，但check完單冇返黎同我地講返個情況，已經覺得佢嘅服務態度好差！我地問完你作個合理嘅原因叫我地等下都好，竟然係完全冇答覆係咩事？我地係問左空氣？咁所以我地啲嘢食去左邊？仲煮緊？漏單？定點？一句都冇！等咁耐又冇答覆已經好嬲好谷氣，但咁都算。到左9:00pm我地嘅牛肉粒終於到，但食落口
我地係星期五7:15pm到，個陣大概只有3-4枱客人。7:30落單，叫左香煎珍寶帶子意式青醬忌廉汁意粉($128）、cold cut($138)、香蒜辣椒牛肉粒($98)同埋4杯cocktail。
4杯cocktail大概落單後20分鐘內就到齊晒。
8:00pm到左個意粉，因為cold cut貨源唔夠冇得賣，所以我地就叫左個香腸拼盤($128)，但8:40pm先到。係中間個40分鐘因為我地已經等左好耐好肚餓，加上其他遲過我地黎嘅客人都已經有嘢食，所以我地分別問左2次2個唔同waitress追單。第一次個waitress話因為西餐係樓下煮所以要啲時間，佢態度幾好，咁我地就繼續等。
又等左20分鐘左右，我地問左另一個waitress。我地問完佢一句答覆都冇就走左去check單😅，但check完單冇返黎同我地講返個情況，已經覺得佢嘅服務態度好差！我地問完你作個合理嘅原因叫我地等下都好，竟然係完全冇答覆係咩事？我地係問左空氣？咁所以我地啲嘢食去左邊？仲煮緊？漏單？定點？一句都冇！
等咁耐又冇答覆已經好嬲好谷氣，但咁都算。到左9:00pm我地嘅牛肉粒終於到，但食落口竟然係凍嘅，冇誇大，佢連暖都唔係，係凍嘅！等左個半鐘嘅牛肉粒竟然係凍嘅？碟嘢係係個西餐廳到等左個半鐘？完全係唔合理勁嬲，所以叫左waiter幫手整熱返碟牛肉粒(呢個waiter服務態度幾好)。後尾個waitress俾左6杯shots話係bartender請飲，但冇指明講係因為咩原因而請，我地估係因為個牛肉粒凍嘅原因所以請我地飲。
香煎珍寶帶子意式青醬忌廉汁意粉($128->7折後$89.6），味道有啲淡，帶子只有一粒。
香煎珍寶帶子意式青醬忌廉汁意粉
$128
34 瀏覽
0 讚好
0 留言
香腸拼盤($128->7折後$89.6）隔離配左薯蓉，呢個正正常常冇咩特別，但已經係最好味。
香腸拼盤
$128
13 瀏覽
0 讚好
0 留言
香蒜辣椒牛肉粒($98->7折後68.6)，味道淡，少少辣，肉質有啲老好難咬開(未翻熱前)。
香蒜辣椒牛肉粒
$98
4 瀏覽
0 讚好
0 留言
酒我地叫左Sakura($98)、Passionate Dealer($108)、Forbidden Fruit($108)、My Favourite($108)，我地覺得Sakura同My Favourite幾好飲。
總括而言，間bar已經唔係多人，等咁耐都算，完全唔明點解碟嘢食係可以凍嘅，唔會再黎，亦唔推薦大家黎，只會食到好谷氣完全冇relax到。
**Openrice訂座只有單點正價嘅食品有7折，其餘set同限定優惠都冇discount，所以只有嘢食有7折而happy hour cocktail係冇嘅
張貼
