影片
更多
2021-12-25
1023 瀏覽
#雅閑泰只有牛油蒜香麵包值得一讚😪早幾日安排咗聖誕節工作响元朗呢邊收工，就入錦田紅磚屋試吓呢間泰菜館，因為見無負評💥，睇相見樓面都幾有泰feel咪試下囉😋😋。因為唔熟地頭，怕揸車去無位泊，早一晚打去問有無泊車位，電話嗰頭話：「唔得閒答你呀，而家踢晒腳啊，晏啲覆你吖」➡️收線，之後當然無回覆啦，見佢好似咁好生意，更加擔心無位泊車啦（响元朗村屋地亂泊車後果可以……👻👻）於是第二朝11點估佢無咁忙咪再打去問囉：「你好啊，我訂咗位今晚㗎，想問吓你餐廳附近有無泊車位」今次佢嘅回應係：「你邊位呀？」😵😵😵我惟有再重覆我問題（感覺自己有啲似cold call sales）🙄🙄，佢先認真少少答我。今晚唔算多人，唔明點解要2pair 坐埋一張枱（係2張細枱併埋一齊），中間拉開少少留條空隙都唔願做，係茶餐廳咁痴住一齊坐啊。我同老公無所謂啊，但坐隔離個女人就全程黑面🤦🏿♀️🤦🏿♀️🤦🏿♀️，直至佢哋食到一半先有枱俾佢轉。點咗6個餸菜冬蔭功 - 用雪蝦唔係大頭蝦，所以失去咗蝦膏嘅香甜，又缺乏椰奶嘅濃香滑溜，極其量算係酸辣清湯。😔😔泰式生蝦 - OK, 但好似雪到無晒蝦味🥶泰式羊架黃咖喱 - 可能少人叫咖喱羊，臨
只有牛油蒜香麵包值得一讚😪
早幾日安排咗聖誕節工作响元朗呢邊收工，就入錦田紅磚屋試吓呢間泰菜館，因為見無負評💥，睇相見樓面都幾有泰feel咪試下囉😋😋。
因為唔熟地頭，怕揸車去無位泊，早一晚打去問有無泊車位，電話嗰頭話：「唔得閒答你呀，而家踢晒腳啊，晏啲覆你吖」➡️收線，之後當然無回覆啦，見佢好似咁好生意，更加擔心無位泊車啦（响元朗村屋地亂泊車後果可以……👻👻）於是第二朝11點估佢無咁忙咪再打去問囉：「你好啊，我訂咗位今晚㗎，想問吓你餐廳附近有無泊車位」今次佢嘅回應係：「你邊位呀？」😵😵😵我惟有再重覆我問題（感覺自己有啲似cold call sales）🙄🙄，佢先認真少少答我。
今晚唔算多人，唔明點解要2pair 坐埋一張枱（係2張細枱併埋一齊），中間拉開少少留條空隙都唔願做，係茶餐廳咁痴住一齊坐啊。我同老公無所謂啊，但坐隔離個女人就全程黑面🤦🏿♀️🤦🏿♀️🤦🏿♀️，直至佢哋食到一半先有枱俾佢轉。
點咗6個餸菜
冬蔭功 - 用雪蝦唔係大頭蝦，所以失去咗蝦膏嘅香甜，又缺乏椰奶嘅濃香滑溜，極其量算係酸辣清湯。😔😔
泰式生蝦 - OK, 但好似雪到無晒蝦味🥶
泰式羊架黃咖喱 - 可能少人叫咖喱羊，臨時臨急用微波爐解涷，再煎兩煎，然後淋啲咖哩汁就上碟，我估一定係咁整，一定係，除非唔係!👎👎👎
蒜蓉牛油麵包 - 最好食😍，可惜咖哩汁唔太夠點。
泰式香葉炒肉碎 - 竟然完全無落香葉（金不換），一條都無，唯有打包留聽日自己落香葉兜兩兜，應該會似樣過佢。😆😆😆
泰式鹹肉炒椰菜 - 椰菜嘅纖維一定係好多，因為比較有咬口，要求唔高都算ok嘅。
埋單2人六百幾，但1毫貼士都無俾!
張貼
