潮滙館 (已結業)

正當我喺度諗同老豆去邊度食生日飯嘅時候，佢話好耐冇去食潮州菜，我本來都想試一試呢間餐廳，今次正好有機會去試。因為事先已經訂咗臺所以去到唔需要等，平日去食都幾多人去。去到先發現原來有啲餸係要事先預訂（例如豆醬焗雞 ，蝦蟹砂鍋粥）我哋一共五人叫咗炸蠔餠凍烏頭滷水拼盤春菜排骨煲清心丸綠豆爽 & 芋泥佢地D份量都幾大，所以叫多啲人來食就啱晒。我覺得最好食嘅係炸蠔餠同凍烏頭，雖然而家蠔唔係季節，但佢地啲蠔好都算大隻，同埋好足料，嗰邊仲有啲脆。食凍烏頭我最怕食到嗰啲有泥土味，這個肉質夠甜，媽咪最鍾意。因為食完要返去食蛋糕嘅關係只係叫咗清心丸綠豆爽同埋芋泥各一碗。我其實好鍾意食清心丸綠豆爽，係香港買好多地方可以食得到，芋泥我就覺得有少少甜左啲。整體嚟講咁嘅價錢可以食到咁好味嘅食物，好值得我下次返來再試。