たまご園 (朗豪坊) (已結業)

六點幾行到肚有啲餓見入面未係好多人又想試下佢個梳乎厘班戟所以入去食。主打係蛋同雞，喺朗豪坊來講定價算平，所以對質素都唔抱咩要求。叫左一個親子丼（$78）同原味梳乎厘班戟（$68）親子丼 都算多雞扒粒，肉量同飯量較足，但係蛋就無好似佢張圖咁多，不過見到啲蛋黃係糖心既，洋蔥正常。醬汁有啲甜，但雞就有啲鞋口喇。出餐時間就比較慢，1820落單，未有咩人去食都要等15分鐘先有親子丼，不過都算正常時間。梳乎厘就誇張啲，問左兩次幾耐先有，到最後成45分鐘先到。原味梳乎厘班戟兩塊size普通，手掌心大細，得甜味，一啲蛋味都無，個cream同埋個糖漿，都係似啲廉價嘅死甜味道。仲要食既時候無叉😨我建議食朗豪坊啲平價food court仲好過食呢間，質素可能重好過佢之餘，價錢亦平啲同唔洗等咁耐囉，試咗一次，永遠都唔會再食。