錦丼 (iSQUARE國際廣場) (已結業)

好耐無食刺身同壽司! 出開尖沙咀，去iSQUARE錦丼鮪專門店試下佢d魚生同壽司：裝修木色主打，拉左日式紅藍旗海，少少築地feel。不過場地其次，食物質素我會睇重多好多。「寶塚雜錦丼」有海膽、吞拿魚、三文魚、北寄貝、鱆紅魚、墨魚、甜蝦、帶子，刺身選擇多，幾新鮮。海膽清甜，米飯溫度適中，質素幾好既刺身丼。「三文魚丼」 三文魚係鮮甜，夠厚，有口感，個人對Salmon 有偏好，合格。「芝士天婦羅蝦卷」蝦天婦羅夾芝士，上碟時微溫，蝦天婦羅外皮鬆脆。