龍豬餐廳 (已結業)

時菜炒龍躉球 --- 龍躉唔係間間餐廳都有得食，估唔到呢度竟然有得食。而龍躉球亦煮得恰到好處，冇過火冇腥味，肉質還是很嫩滑，龍躉亦都大大片，絕不吝惜。蜜糖黑椒雞中翼 --- 嘩！真係好好味~ 啲蜜糖味好鬼正，如果唔係喺街，真係好想舔隻雞翼囉！仲有腰果做配料，一樣咁惹味，令人食唔停呀。雖然呢個餸確實有啲邪惡，但係大家不能錯過呀！瑤柱海皇蒸水蛋 --- 以為係簡單既餸，其實都唔易整架，呢個係升級版蒸水蛋，攞黎送飯一流。蜜椒豬脾仔 --- 豬脾仔啲肉好腍唔乾，肉同骨好易分離，唔會令人吃得好麻煩。沙律明蝦球 --- 啲蝦好大隻，又剝埋殼，懶人至愛。