呂仔記 (已結業)

喺莦萁灣附近食完飯意猶未盡，所以同朋友入左間舊式小食店坐低再傾下計。我從來未聽過呢間店，但朋友就話呢間舖好岀名，入到去見到牆上好多店主同明星嘅合照呢！叫左一個魚肉碗仔翅雙拼同一份魚肉燒賣。魚肉碗仔翅雙拼十分足料，最鐘意佢地將冬菇切得好大塊好厚，食落好有口感，唔會好似飲緊水咁，加上木耳等配料，正！另外嘅魚肉燒賣，同平時街邊買到嘅燒賣好唔同，因為真係好有魚肉味，咬落去就知唔係得粉造成，係有真正魚肉，推介比鐘意食魚嘅朋友！走嗰陣仲買左杯椰汁，幾香濃，唔水，可以一試！