泰昌餅家 (南豐廣場)

營業中

休息中

出名蛋撻嘅泰昌餅店分店都唔少，不過有提供粉麵茶餐嘅分店唔多，平時都係買蛋撻，第一次坐低試食咁多唔同嘅食物。餐牌簡單明確，都係比較簡單嘅食物，有輕食有主食。始終係以飽餅為主嘅店，主食嘅味道我覺得都一般，份量幾多，職員又有禮貌仲送埋餐添。酥皮蛋撻，咁出名一定有原因，酥皮整齊層次多，入口鬆化，雖然唔係啱啱出爐，但仍然係好好味。雞批，批底都幾厚，足料，味道唔錯。煙肉芝士蘑菇批，食唔出芝士味，都幾香。叉燒酥，酥嘅層次唔多，比較落，餡亦少。瑞士汁雞翼撈公仔麵，和脆奶油豬轉咗做牛油多士但無通知，雞翼煮過龍唔滑，麵亦唔夠瑞士汁，炒蛋係正常。焗鮮茄豬扒飯，呢個係餐牌以外嘅精選午餐，賣相好麻麻，味道唔錯，豬扒唔韌唔會過鬆軟。美式什扒意粉配美極汁，豬扒都一樣係唔錯，火腿，腸仔，菜，意粉係烚，啲啲味都無，最好笑係真係比支美極你加上去。