四喜冰室 (已結業)

今日係九龍灣做野，放工就同同事黎試下呢間四喜冰室。呢度裝修都係正常茶餐廳裝修，但係食物就一啲都唔普通啦，而且好抵！我地叫佐兩個主食，兩個都係全日供應既，中意食牛既我就簡佐冰室鮮茄牛肉燴意粉 $58🍝意粉有一舊舊蕃茄，絕對真材實料，牛肉又大塊，份量又多，而且好香好有咬口，加上唔少既洋蔥絲提味，好香好好食，意粉軟硬度又適中，絕對唔係普通茶餐廳質素呀！然後食素既同事就叫佐蕃茄濃湯紫菜豆腐烏冬 $58🍜深橙色既蕃茄湯好濃稠，加上滿滿既紫菜絲，椰菜絲同紅蘿蔔絲，仲有幾大舊香滑既豆腐，配上烏冬一齊食口感好好，同事食到啲湯都飲晒😝我地仲一人叫佐中枝維他奶飲添，童年回憶呀😛