神石燒牛扒專門店 (碧街) (已結業)

呢度地點好就腳，係油麻地地鐵站附近，今日lunch行過就入黎試下。叫佐一個午市限定既美國Prime牛扒盛合，$89有美國Prime牛扒同埋美州特級牛舌。牛扒係特級既，肉質特別軟腍，嫩滑多汁，唔會燒到好硬好乾，牛味又濃，絕對係燒肉上品，燒果陣再放埋啲蒜蓉一齊燒，蒜香加埋牛香仲正！🤤另外既美州特級牛舌口感爽脆，好有咬口，煙煙韌韌，滋味十足，都係咁濃牛味，燒完點啲蒜蓉燒汁食就仲香！🤭想再豐富啲就飲埋日式泡菜湯，食埋沙律，泡菜湯酸辣適中，沙律多款又新鮮，至佳配搭！