金滿膳燒味餐室 (已結業)

放左工，諗住同男朋友去食晚飯，經過一間叫金滿膳的餐廳，佢位於牛頭角牛頭角道357-375號仁安大廈地下。餐廳門口掛起了一排的燒味，見到都覺得吸引呀！再睇下個餐牌，都ok喎！價錢合理，餐廳入面乾淨光猛，都幾多人。一於入去試下。雞扒蛋飯 $50 大大碟白飯，配塊大雞扒，雞扒成隻手掌咁大呀，加隻燶邊半生熟太陽蛋撈豉油，好味😋又飽肚。招牌脆皮燒腩仔燻蹄飯 $48 ，燒腩仔皮脆肉嫩，肥瘦分別，一層肥一層瘦，鬆軟脆口2種口感回味無窮，燻蹄皮爽肉嫩，皮肉層次分明，充滿骨膠原，正👍加白飯撈埋鼓油，味道更豐富。