星廚 (已結業)

開心星期五又同媽咪出去食飯，懶得煮，係旺角行陣街，去左依間港式西餐廳食飯，行到黎已經好多人等緊位，幸好等左一陣就入得座啦叫左份豬手同意粉Set，Set跟左餐湯同飲品餐湯飲落好重薯味，口感好creamy<<大蝦黑松露醬意粉>>離遠已聞到黑松露味，意粉整體味道唔會太濃味，易入口，大蝦食落好爽口<<烤焗咸豬手配酸椰菜>>豬手外皮整得好香脆，味道咸得適中，另沾黑醋食中和返個油膩感，食完口豬手，食返啖酸椰菜，啱哂<<熱朱古力>>味道夠濃，飲得出無另沖淡同落左好多朱古力粉，好飲整體味道唔錯，兩款個份量都幾多，價錢合理，服務友善，意粉套餐以咁既價錢有埋湯同野飲真係幾抵食