為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html

青瓜仔

等級3

又黎牛角，去完LCX行街最好就去呢到食晚飯，首先去枱號先，跟住行街，行到差不多就有得食，唔會等好耐。首先要講我次次黎牛角都會食嘅牛角飯，佢簡單得黎又好味，份量啱啱好。牛角飯好味在於佢夠清香夠簡單，飯入面配有紫菜條同温泉蛋，日本米軟硬又啱啱好，撈埋一齊食味道真係唔講得笑。除左呢個飯，我每次都會叫係椰菜沙律，呢個沙律清清地最啱配烤肉，椰菜每次食都係好新鮮，但略為大塊，如果可以精細d重好味，配麻香醬汁，好好味好開胃。輪到烤肉，牛肉同海鮮一定唔小得，鍾意佢地嘅大蝦好鮮甜又夠大隻，牛肉夠淋身有牛味，油脂分佈平均所以烤完重有好多汁唔會乾，配佢地供應嘅蒜鹽汁係最好味。蔬菜方面除粟米外，其他例如茄子就好難燒得好，因為好易燶同乾，我就唔多鍾意。最後一定要食佢地個甜品銅鑼燒，紅豆餅面夾雪糕，又軟又滑，燒到外面熱辣辣，入面d雪糕都唔會溶，超好味呀！！！呢到雖然唔會食到有咩超級驚喜嘅食物，但勝在環境舒服又唔拘束，食物份量又啱啱好（以兩個人計），肉食海鮮款式都夠多，價錢又唔過高，如果好彩坐到餐廳尾個卡位，可以望住個靚境食，真係好relax好正, 咁辛苦搵錢都係為呢一刻啫

又黎牛角，去完LCX行街最好就去呢到食晚飯，首先去枱號先，跟住行街，行到差不多就有得食

，唔會等好耐。

首先要講我次次黎牛角都會食嘅牛角飯，佢簡單得黎又好味，份量啱啱好。牛角飯好味在於佢夠清香夠簡單，飯入面配有紫菜條同温泉蛋，日本米軟硬又啱啱好，撈埋一齊食味道真係唔講得笑。除左呢個飯，我每次都會叫係椰菜沙律，呢個沙律清清地最啱配烤肉，椰菜每次食都係好新鮮，但略為大塊，如果可以精細d重好味，配麻香醬汁，好好味好開胃。
輪到烤肉，牛肉同海鮮一定唔小得，鍾意佢地嘅大蝦好鮮甜又夠大隻，牛肉夠淋身有牛味，油脂分佈平均所以烤完重有好多汁唔會乾，配佢地供應嘅蒜鹽汁係最好味。
蔬菜方面除粟米外，其他例如茄子就好難燒得好，因為好易燶同乾，我就唔多鍾意。
最後一定要食佢地個甜品銅鑼燒，紅豆餅面夾雪糕，又軟又滑，燒到外面熱辣辣，入面d雪糕都唔會溶，超好味呀！！！
呢到雖然唔會食到有咩超級驚喜嘅食物，但勝在環境舒服又唔拘束，食物份量又啱啱好（以兩個人計），肉食海鮮款式都夠多，價錢又唔過高，如果好彩坐到餐廳尾個卡位，可以望住個靚境食，真係好relax好正, 咁辛苦搵錢都係為呢一刻啫