阿四車仔麵 (已結業)

去到旺角想食個快餐，黎左呢間車仔麵試下。叫左碗牛腩，麻辣魚蛋配油麵。牛腩味道都幾濃味，只係老左少少。魚蛋幾彈口而且辣味唔算太重，怕辣嘅人都食得。麵質偏向林，要視乎自己鍾意食咩麵嘅質地。見佢小食幾吸引就叫咗炸墨魚卷，炸燒賣同菜心。炸墨魚卷就睇落比較油，但係食落去外皮脆口內裏彈牙，同埋估唔到都幾大塊，整體算唔錯，幾好食。而家唔係好多地方有炸燒賣，睇落粒粒都金黃色，幾好吸引。食落去幾脆，配埋甜酸醬好夾。健康啲可以叫返個菜心有腩汁同蠔油揀，我地擇左配蠔油，菜心都幾爽口，煮嘅時間應該正常。但野飲叫咗奶茶同菠蘿冰偏甜，覺得加得比較多水，反而麻麻地。舖頭地方都坐得幾舒服，嚟到旺角食個快餐，食車仔麵係一個好選擇，簡單又快手。