鳴門魚市場居酒屋 (已結業)

今日試位於荃新天地既嗚門居酒屋，見佢做緊優惠，每消費滿$100，就送$100 coupon下次用，好似都幾抵咁喎呢日比較早食晚餐，所以店入面唔算多人，可以寧靜咁傾下計。前菜叫左海膽芝士玉子燒，芝士味道好濃，鍾意芝士既有福了玉子都好滑，可惜海膽味比芝士味遮蓋左，所以冇乜突顥到出黎。鹽燒鯖花魚，燒得剛剛好，外皮好香焦香味，肉質細嫩，食到停唔到！牛肉稻庭烏冬，牛肉滑而且唔韌，微微既粉紅色好靚，烏冬彈牙，係有少少淡，蒲燒鰻魚飯，鰻魚勁香！而且好大條，厚身。連d飯都有焦香，吸收晒鰻魚味，唔錯！