影片
更多
2015-06-04
1853 瀏覽
9月4日, 2週年快樂!自從家中多了一個人之後, 呀菲呢排都留喺屋企, 今日適逢我地嘅週年紀念, 我地都可以食個lunch 2人世界一下~ 今日食個lunch先, 到我地週月慶祝先來個大餐~ 呢度嘅simply life 平日lunch大排長龍, 有時真係等30分鐘都未必有位. 今日都冇例外, 店外一條人龍, 好彩等咗15分鐘到就可以坐~ 一個set lunch大概$80-$100包一杯飲品, 加錢就可以配湯或者沙律, 選擇眾多, 揀到頭痛~::: Carbonara + soup ::: $96餐湯先來, 蘑菇忌廉湯配一件麵包, 份量唔多但係味道幾好, 蘑菇湯味道濃郁好重蘑菇味, 質地都幾杰下, 唔似溝好多水嗰d湯~ SimplyLife亦出名整包, 呢塊伴湯麵包看似硬, 但係入口都幾軟熟, 淡淡嘅甜味同麵粉味, 細細舊淺嚐一下唔錯~Carbonara上枱, 第一個感覺係: 嘩乜d煙肉咁大舊, 直頭係迷你版燒肉咁~ 平時食嗰d Carbonare都只係比片片嘅煙肉, 呢一碟真係煙肉多過意粉~ 面頭仲加咗一塊芝士, 好特別~ 整體味道好好味, 所有野加埋都好match, 芝士味豐富得嚟
自從家中多了一個人之後, 呀菲呢排都留喺屋企, 今日適逢我地嘅週年紀念, 我地都可以食個lunch 2人世界一下~ 今日食個lunch先, 到我地週月慶祝先來個大餐~ 呢度嘅simply life 平日lunch大排長龍, 有時真係等30分鐘都未必有位. 今日都冇例外, 店外一條人龍, 好彩等咗15分鐘到就可以坐~ 一個set lunch大概$80-$100包一杯飲品, 加錢就可以配湯或者沙律, 選擇眾多, 揀到頭痛~
::: Carbonara + soup ::: $96
餐湯先來, 蘑菇忌廉湯配一件麵包, 份量唔多但係味道幾好, 蘑菇湯味道濃郁好重蘑菇味, 質地都幾杰下, 唔似溝好多水嗰d湯~ SimplyLife亦出名整包, 呢塊伴湯麵包看似硬, 但係入口都幾軟熟, 淡淡嘅甜味同麵粉味, 細細舊淺嚐一下唔錯~
Carbonara上枱, 第一個感覺係: 嘩乜d煙肉咁大舊, 直頭係迷你版燒肉咁~ 平時食嗰d Carbonare都只係比片片嘅煙肉, 呢一碟真係煙肉多過意粉~ 面頭仲加咗一塊芝士, 好特別~ 整體味道好好味, 所有野加埋都好match, 芝士味豐富得嚟唔會搶咗本身忌廉味, 覺得意粉味道淡又可以食一舊煙肉~ 冇錯係一舊咁食, 啖啖肉好滿足, 肉質好在唔算肥, 成舊食都唔油膩, 正! 亦不得不提下意粉幾彈牙, 唔係淋pat pat嗰隻~ 所以呢個Carbonara唔係最好食, 之但係都首屈一指~
跟餐有一杯橙茶, 味道唔太橙, 只有甜甜地生果味, 反而茶味幾出, 叫甜茶就好貼切~
::: Cheese beef burger ::: $86
Cheese burger嘅用料都好豐富, 除咗芝士同漢堡扒之外, 仲有煙肉、蕃茄同酸瓜~ 每一樣都充滿色彩, 紅黃綠色乜都有, 睇得出好鮮~ 雖然冇乜用sauce, 但係成個包都唔會乾, 仲好多汁添~ 一來漢堡扒嘅肉汁豐富, 但係又唔會一咬漏晒汁, 加上肉味香濃, 雖則塊扒唔算大但係都好夠~ 蕃茄亦都有微微燒過可以收緊d汁喺裡面, 令外皮少少脆, 值得加分~ 煙肉嘅肥油都好豐富, 略嫌肥咗d... 芝士味道頗淡但係都夠濃郁口感~ 薯條嘅份量唔多, 但係夠晒香脆, 肉質少淋好夠薯仔味~
呢度咁多人食一定有原因, 選擇夠多, 味道有水準, 做出嚟嘅食物絶不馬虎~ 唯一要改善係排隊安排, 點解唔可以派籌, 要人地喺門口排隊, 仲要一排就30分鐘, 如果呢樣都改善埋就最好啦~
蘑菇忌廉湯
49 瀏覽
0 讚好
0 留言
Cheese beef burger
$86
87 瀏覽
1 讚好
0 留言
橙茶
76 瀏覽
0 讚好
0 留言
張貼
