Outback Steakhouse (黃埔天地) (已結業)

晏晝同事話要食outback，但自己就無咩胃口勒，想食素清淡D，好彩outback唔只可以食牛漢堡，仲有素菜三文治比我揀。Set lunch首先黎左個粟米忌廉湯同沙律。湯有好多粟米又creamy，幾好飲。沙律菜就麻麻地新鮮，有少少開始氧化出銹。果仁麥餐包新鮮出爐極軟熟，配埋淡牛油，出奇地好食。素菜三文治賣相幾好，工工整整正長方形，蔬菜調味幾好食。不過三文治面個層包唔知點解又乾又硬，咬左幾啖已經唔想食。旁邊兜配菜既味又怪怪地，成兜都無食。不過薯條就熱辣辣脆炸 😋 邊食邊飲檸茶。全餐黎講無話好好食，但都算係ok 啦。唔知分區outback會唔會好食D呢？