影片
更多
2016-06-11
1557 瀏覽
呢間 cafe 相當隱蔽，我多次幫襯佢旁邊嘅另一間餐廳都居然冇發現佢嘅存在，皆因佢係要推開商場嘅門去到角落頭至搵到。Cafe 主打係輕膳（因為當 lunch 多數食唔飽）, 自製 cake 同埋當然係咖啡！飲佢哋嘅 latte，入口係溫熱，同一般 Starbucks 同Pacific Coffee 熱到辣手嘅好唔一樣，咖啡哥哥解釋話通過奶打出嚟嘅溫度，佢哋可以調節咖啡嘅溫度。如果係外賣，佢哋會調熱啲等攞到返去仍然唔會涼，如果坐低飲，杯咖啡會係溫熱，可以即刻開始飲！佢嘅 menu 上面就主要係幾款麵包加沙律，今次揀咗意大利包 (仲有香草蕃茄意大利包, 牛角酥, 三文治 可以揀) 配碎蛋加火腿 (另外有芝士,吞拿魚同蕃茄可以揀)，沙律就係幾片菜加上醋嘅 dressing。整個配搭簡單而平平無奇，但係最難得係佢哋嘅心機。細小嘅水吧放咗一個 waffle 機同一個比我屋企嗰個大小小嘅小焗爐，order 係逐個逐個做而唔係流水作業嘅工廠式出品，好似碎蛋,吞拿魚咁嘅配料亦唔係大堆頭咁預先備好一大盤，而係用嘅時候至去切至去開罐頭。只要肯俾心機整，唔須要好大嘅技巧就可以整得好食。幫襯咗多次，從未失望過
Cafe 主打係輕膳（因為當 lunch 多數食唔飽）, 自製 cake 同埋當然係咖啡！飲佢哋嘅 latte，入口係溫熱，同一般 Starbucks 同Pacific Coffee 熱到辣手嘅好唔一樣，咖啡哥哥解釋話通過奶打出嚟嘅溫度，佢哋可以調節咖啡嘅溫度。如果係外賣，佢哋會調熱啲等攞到返去仍然唔會涼，如果坐低飲，杯咖啡會係溫熱，可以即刻開始飲！
佢嘅 menu 上面就主要係幾款麵包加沙律，今次揀咗意大利包 (仲有香草蕃茄意大利包, 牛角酥, 三文治 可以揀) 配碎蛋加火腿 (另外有芝士,吞拿魚同蕃茄可以揀)，沙律就係幾片菜加上醋嘅 dressing。
意大利包配碎蛋火腿+沙律
$30
34 瀏覽
0 讚好
0 留言
今次我就加咗件佢哋自制嘅桂花豆腐芝士蛋糕。
桂花豆腐芝士餅
$28
25 瀏覽
0 讚好
0 留言
下次要嚟下午茶，試吓佢嘅 waffle！
張貼
