cookedDeli by city'super (已結業)

晏晝去到海港城，唔想去餐廳排隊等位，咁就去試吓呢一個food court。裏面其實都幾多選擇，韓國菜、越南菜、燒味、日本野都有。本來想試吓有間食烏冬的，但點知佢今日吉列豬扒賣晒，嗰陣時都只係晏晝2:00。咁我哋就轉食隔離間拉麵，我哋今日就揀咗豬軟骨拉麵同埋叉燒拉麵，另外加多個日式煎餃。豬軟骨拉麵豬軟骨拉麵湯底比較濃，拉麵都幾彈牙，但豬軟骨得兩舊，比較林身，食落就普通啲。另外每碗拉麵仲會跟一杯綠茶。叉燒拉麵，日式煎餃叉燒拉麵個湯底相對上面嗰個豬軟骨拉麵比較淡身，個湯頭都冇咁杰，叉燒都好食，我比較欣賞佢個日式煎餃，由於係即叫即煎，所以熱辣辣，好好食。我哋嘅拉麵就係喺呢間舖買的。八番麵工房。