New York Cafe & Bar (已結業)

咁之前男朋友係果邊食過，唔係特別好但附近買唔到沙律外賣，諗住問下有冇得淨係買1個沙律攞走。好啦，咁個姐姐話等一等，佢要問下人。咁ok 左話無問題，我就要個田園沙律48加煙三文魚加68，總共116。我俾左120蚊唔洗找。咁個姐姐又叫我等一陣，因為廚房係後面要等大概10分鐘。好啦，之後又有一個男侍應攞個外賣岀黎，我就滿意咁攞住走，結果路上一看！咁就值116？咁嘅價錢已經可以係一間高級餐廳食到唔錯嘅沙律！咁嘅沙律4塊生菜就已經佔左個外賣盒嘅8成，上面加2條青瓜一啲洋蔥同pinenut就48！都算，三片細到好似花之戀咁嘅三文魚就要68，會唔會太貴左啲！重點係唔係特別好食，都唔明點解仲有咁多好評