權記粉麵茶餐廳

營業中

休息中

通常夜晚唔想食咁Heavy，又想食少啲飯無咁多carbs，就會收工去食碗米粉，簡簡單單又一餐。今次去咗附近一間粉面店，叫咗個紫菜四寶米粉。可能時間尚早，周圍都冇乜人，不過咁樣坐得仲舒適。雖然叫佢加咗腩汁，但係都好似好淡口，不過唔緊要，當係清下腸胃，唔使下下食咁重口味。墨丸、魚皮餃同魚蛋係正常，唔覺得特別彈牙。魚腐係最好食，好有味，而且好彈牙。應該係家族小店，都冇乜要求，下次可以嚟試吓啲水餃同雲吞。