4號烤吧 (已結業)

節日慶祝好去處，高性價比大大條烤魚～～～平安夜唔想比Premium嘅價錢去食西餐，就嚟咗堅尼地城嘅呢一間4號烤吧食烤魚。餐廳裝修都頗有聖誕氣氛，門口入嚟就有頗大聖誕樹，而且兩個人都係俾大枱幾好坐。～～～餐牌選擇幾多，各式前菜冷盤、烤魚、鹽燒鮮魚、雞煲、火鍋，仲有好得意嘅羊腩煲加魚等等～～～最後睇完餐牌之後，我哋就叫咗七味一口豆腐，係佢哋嘅招牌小食之一，仲有燒原條茄子，同埋湖南椒風味烤江團魚，再額外加多個萵筍。～～～烤魚一上台就令人聞到香香辣辣嘅味道，魚上面佈滿芹菜、蔥、芫荽、紫洋蔥等等，旁邊仲有豆卜，薯仔，蘿蔔，蓮藕、青瓜，湯底有好多花椒，好適合冬天暖身食。江團魚除咗中間嘅大骨，側邊好少細骨位，啱曬我呢啲驚食魚骨但又愛食魚嘅人。魚肉好嫩口🐟，而且越滾越入味，少辣剛剛好，配搭啤酒一流！以後加嘅萵筍亦係非常爽脆香甜。～～～🥢七味一口豆腐，外脆內軟，香酥香酥的，令人不能自拔，見到好多台都叫咗，而且一粒一口，令人停不下來。～～～最後我哋叫嘅燒茄子🍆亦都好有質素，孜然粉味道香濃，茄子非常入味，一絲一絲嘅質感，加埋粒粒蒜蓉，又是一款高質佐酒小菜。～～～*另外佢哋店員仲貼心咁為我哋提供圍裙，細心，值