一．漢堡

營業中

休息中

小食就叫佐檸檬胡椒雞翼，雞翼每隻都炸脆晒，皮脆肉嫩真係最好既形容，每啖都食到酸酸辣辣，好fresh既感覺🤓🤓漢堡就叫佐脆炸魚柳漢堡同埋脆炸乳酪雞漢堡。魚柳漢堡既魚柳感該係深海魚，肉質實在好多，唔會鬆散，但又唔會好硬好鞋口，魚油豐富，入口Juicy，魚肉又滑，配埋生菜蕃茄，味道清新而不膩😚😚另外既炸雞同樣新鮮，即炸既雞扒都唔會好油，炸完反而幾乾身，爆汁又脆口，雞肉柔嫩，配埋乳酪青瓜絲菜絲，同樣唔會好油好滯😋😋兩個漢堡都係口感豐富，味道又有層次，食完勁爆滿足！兩個都有加錢變餐，一個就叫佐薯格，一個就叫佐薯條，仲有飲品。薯格就酥脆香濃，薯條就相對上內芯軟綿啲，但外面同樣脆口，每樣都係落單先整，保證新鮮，真係好有心呀🤪🤪呢度既牆上仲掛佐好多nba既相添，夠晒特色！