無肉食 (堡壘街) (已結業)

同男朋友試咗呢間素食自助餐。食物種類多，間唔中又會有新嘢出。沙律吧有藜麥、羽衣甘藍、紅菜頭呢啲super food😻。熟食比較推介係冬瓜盅，個湯超清甜！而成餐最特別係有半熟芝士撻，啱啱出爐熱辣辣！整體味道唔錯，冇咩嘢特別標青，亦都冇伏。值得讚係食物味道普遍唔算太濃，亦唔似一般中式齋咁油。可以食到咁豐富嘅晚餐都係$110（星期一至四，任食90分鐘）真係超值👍🏻👍🏻。順帶一提，七點起已經要搭枱，建議book位。