DINELAND

營業中

休息中

幾年冇嚟呢頭搵食，真係變左好多，連建生商場都翻生左。朋友試過Dineland話唔錯，而且又近我地。環境唔錯，有戶外位置，午餐選擇都唔少，咁就成就左我地嘅午聚。🍽️是日午餐套餐配是日餐湯或田園沙律+黑糖麵包🥗田園沙律：沙律菜新鮮，正常發揮。🍞黑糖包細細隻，夠暖，好軟熟。🍝G.黑松露南瓜野菌貓耳朵粉 $88 非常濃郁真材真料嘅南瓜汁仲有粒粒南瓜，鐘意南瓜嘅朋友好喜歡，不過就唔係好食到黑松露。🥣是日餐湯：我會叫佢做蘑菇濃湯，因為食到真材實料，夠濃好飲。🐟L.香煎格陵蘭比目魚配香草忌廉汁 $116魚皮煎得香脆，我好鐘意食脆魚皮，啱晒😋。比目魚好厚身，目測有2吋厚，白雪雪嘅魚肉好滑，魚油豐富。炸薯角好脆，由於魚夠味，所以個香草忌廉汁我用嚟沾薯角食。+$30要左精選生蠔2隻。🦪不過我覺得麻麻地，嚟到唔凍，應該放左一段時間，帶子位唔夠實淨。餐飲：🍹凍檸水，☕latte跟餐+$15📝人手落單，平日午餐不收加一。💬環境唔錯，不過枱與枱之間就窄啲。