可可豬海南雞專門店 (寶榮大廈) (已結業)

食外賣食得多都要搵下新野食，呢間可可豬海南雞，又豬又雞，究竟食豬定雞？一於試吓，間鋪門面似cafe , 都幾吸引人去望下佢自稱首創竹絲海南雞飯，雖然新鮮，但個人有少少驚竹絲雞會瘦，所以都係叫返正常雞，一個椰香雞、一個口水雞，有得揀標準/增量，好彩無揀增量，標準已經好多飯，成個盒都係飯，勁飽椰香雞既飯有椰香，食落同望落都有啲似珍珠米，雞肉夠滑，有7件雞，都幾足料，食埋啲配菜唔會好膩。口水雞唔會好辣，岩我又想辣又怕辣，口水雞既飯就係普通白飯另外加左個湯、菜苗、牛展同奶茶湯飲完唔會口渴，應該都係真材實料，牛展正常水平，杯奶茶喜出望外地香濃外賣飯應該都要食多一排，下次可以再試下豬手