靠得住粥麵小館 (Citylink)

營業中

休息中

好耐冇食過一個好食的撈麵，放工見有時間就來試吓，話哂同系有米之連，應該差極有限。晚上有set，一個粥/麵再加一個小食，由59-90左右。今日叫了個牛腩撈，牛腩似是一早切定，所以有少少碎，入面有强烈的陳皮味，牛根好淋，又入味，麵下面又好多腩汁，先食原味，之後加少少辣椒油，又係另一個風味。跟麵有一個例湯，好有蝦籽味，上面有銀芽，似冇味精。另外佢個茶好特別，入口清新，可以解去油膩感覺，估唔到連呢啲細節位也注意到。