影片
更多
2010-07-18
395 瀏覽
曾經有人問過我，山長水遠入去迪士尼自助餐值得嗎？一個無即開生蠔食，亦無高級食材供應嘅自助餐，食咩野先至歸本？我食自助餐理念或者有所唔同，歸唔歸到本唔係重點，最緊要係食得開心，服務好。而迪士尼好萊塢酒店米奇廚師餐廳就絕對做得到，每次到來都令我開開心心～所以今次都要同大家分享一下...呢邊同迪士尼酒店樂園翠樂亭餐廳食嘅野幾相似，不過就無迪士尼人物出黎助慶，但米奇廚師餐廳裝修都幾靚，環境寬敞舒服，餐具坐椅亦有迪士尼特色。餐廳採用半開放式廚房設計，簡簡單單，感覺好溫暖，而且個個都好有禮貌又好笑容，呢樣野真係好多五星級酒店都未必做得到...海鮮篇想食海鮮呢度都有好多，雖然無生蠔食，硬係想返本嘅朋友，可以試下呢度嘅長腳蟹。長腳蟹大大隻，鮮甜又好味，而且廚房頻頻refill，唔駛擔心無得食！ 白灼基圍蝦夠新鮮，肉質彈牙爽口，雖然口感未去到食海中蝦級數，但好食就已經足夠，唔駛太奄尖啦～！龍蝦伊麵無間斷不停供應，龍蝦肉彈牙入味，麵條亦充滿芝士香味，好味架，不過怕飽肚就試少少算喇～！至於豉椒炒青口火喉當然不及大排檔出色，但呢度勝在青口用料靚，食落口感十足，而且唔會太辣，啱晒我！至於魚生壽司表面雖然平平無奇
呢邊同迪士尼酒店樂園翠樂亭餐廳食嘅野幾相似，不過就無迪士尼人物出黎助慶，但米奇廚師餐廳裝修都幾靚，環境寬敞舒服，餐具坐椅亦有迪士尼特色。餐廳採用半開放式廚房設計，簡簡單單，感覺好溫暖，而且個個都好有禮貌又好笑容，呢樣野真係好多五星級酒店都未必做得到...
海鮮篇
想食海鮮呢度都有好多，雖然無生蠔食，硬係想返本嘅朋友，可以試下呢度嘅長腳蟹。長腳蟹大大隻，鮮甜又好味，而且廚房頻頻refill，唔駛擔心無得食！ 白灼基圍蝦夠新鮮，肉質彈牙爽口，雖然口感未去到食海中蝦級數，但好食就已經足夠，唔駛太奄尖啦～！龍蝦伊麵無間斷不停供應，龍蝦肉彈牙入味，麵條亦充滿芝士香味，好味架，不過怕飽肚就試少少算喇～！至於豉椒炒青口火喉當然不及大排檔出色，但呢度
勝在青口用料靚，食落口感十足，而且唔會太辣，啱晒我！
至於魚生壽司表面雖然平平無奇，但味道絕對唔失禮，而且款式啱晒老人家同小朋友...值得留意wasabi係米奇隻手仔，好可愛呀！
熱葷篇
由於係自助餐剛開始無耐，所以大大舊燒牛肉仍然完整無缺，見到咁靚仔就同佢影返張相先。食左一舊，出面一般酒店應有質素，唔算驚喜突出，但絕對唔係唔好食嘅果種～！燒春雞賣相好靚，砌成米奇頭形狀嘅青瓜望落都幾吸引，不過燒雞唔係今次我想食嘅野，下次有機會先再試...燒羊扒肉質夠腍，肥瘦適中，而且羶味唔太強烈，加埋少少燒汁真係幾好味，值得一試。
呢度嘅咖喱亦係值得推介嘅部份，賣相雖然麻麻地，但食落真係幾好味，其中有三款我想介紹下...
菠菜芝士咖喱望落青BB，食落唔係偏辣果種，菠菜味好香濃，芝士味相對下較淡口，用來蘸薄餅烤包食最fit...
牛油忌廉蘭度豆賣相就核突左少少，但香味散發出黎聞到都覺得吸引，呢款就最好跟白飯食，食落仲有一陣小茴香，夠晒暖胃。聽聞呢種蘭度豆對治胃氣有幫助，邊位朋友成日有胃氣漲可以試下...
印度牛油咖喱雞係五款之中最出色好味，唔試就真係走寶。咖喱香濃雞肉夠嫩滑，香料味唔過火，辣度亦點到即止，無論蘸薄餅定係送白飯都一樣正！
有咁多款好味嘅咖喱，用黎蘸黎食嘅印度薄餅當然係較厚嘅Naan，而唔係薄身嘅Roti Canai或者乾到死嘅Chapati。Naan牛油味夠香，廚師們亦會不時更換保持薄餅熱度，呢個真係值得讚！除左印度薄餅外，仲有蝦片同埋炸豬仔餅。其中炸豬仔餅賣相同小熊維尼入面嘅豬仔好似樣，非常得意，小朋友見到一定好開心。食落脆脆地，少少甜味，真係幾好食架～！
中式粉麵無乜興趣的話，仲可以叫廚師幫你煮個意粉，墨汁蕃茄菠菜任君選擇。我就好少去自助餐等食呢啲，但聽聞味道唔錯噃！如果都無乜興趣的話，仲可以叫廚師幫你煮個意粉，墨汁蕃茄菠菜任君選擇。我就好少去自助餐等食呢啲，但聽聞味道唔錯噃！
甜品篇
食完主菜開始食甜品，呢度甜品款色都幾多，真係逐樣影相都有排影，而且好多賣相都係好靚仔嘅米奇頭，見到會幾開心架。其中米奇頭曲奇更加係我每次黎必食，朱古力味同牛油味兩樣都咁香脆好味...
好多朋友都中意玩嘅朱古力噴泉，呢度都有得玩。雖然我中意食朱古力，但噴泉本身我麻麻，但見到好多小朋友既開心又期待咁望住個朱古力噴泉，心情都算幾差都會開心返晒...
小朋友們另一至愛當然係雪糕，呢度有部軟雪糕機俾大家慢慢玩，軟雪糕夠晒香滑，唔錯架～！軟雪糕機旁邊仲有軟糖，朱古力豆等Topping俾小朋友任意發揮，歡欣快樂不時會從佢地眼神之中感覺到，氣氛幾開心～！
芒果布甸係我至愛嘅甜品之一，加埋得意米奇頭，影張相先。味道係點？OK啦，預期果種...另一個米奇頭朱古力慕絲蛋糕都好靚，可惜見到佢時我已經飽到上心口，唯有下次再黎先試...
後記：
米奇廚師餐廳晚市自助餐收費，成人$258小童$128，比起翠樂亭果邊每位平足足$200，一家大細消費會抵好多！而且大家坐港鐵去到迪士尼站轉免費穿梭巴士就到門口，交通好方便，食完仲可以走出去大草坪上欣賞煙花表演，你話幾開心呢！所以食自助餐唔一定係食貴價高級野先叫值得，開心快樂係無價！
張貼
