影片
更多
2011-09-25
2230 瀏覽
大概2pm黎到 呢度話佢地段旺又唔係 唔旺又唔係 不過隔離士丹頓街就真係旺到要行出馬路呢度呢 反而多左份寧靜 就咁睇門面 我自己都心諗 下中環會有咁既 '茶居' 既? 但係openrice comments不錯喎 就試下啦!d檯凳唔多 而且客都唔多 靜靜地嘆個lunch真不錯~ 我地揀左張係中式既 矮矮地幾過癮!基本有兩杯茶 可以睇menu再加錢試其他茶 今日趕時間 下次會叫返壺普利慢慢嘆~ set lunch $69 有個小菜+飯/粉/菜+甜品豬頸肉 - 煎得金黃色 好多舊好香口好脆 唔算好油 有少少 '火農' 再點埋個甜甜酸酸既汁 正! 忍唔住撈飯食!椰菜 - 白灼 一滴油一點調味都無 我最愛! 咁樣反而食倒菜既鮮味 evil再度淡淡然話 都係炒好味d... 唔理~ 我成碟食晒 好味好鮮甜!!!牛腩 - 完全唔un 好有牛味 個清湯油都唔多滴非常清甜好有牛腩香味 就算飲左都唔會口乾 牛腩下又有椰菜 好野椰菜食過不停 浸完牛腩湯更香甜 菠菜魚柳雲吞 - 超水準之作! 一擺上檯已經呆左 感大碗既?! 包得咁得意既?! 成朵花咁! 個餡好大舊 咬落去熱辣辣 好有菠菜味既菠菜蓉加上軟綿綿白
呢度呢 反而多左份寧靜
就咁睇門面 我自己都心諗 下中環會有咁既 '茶居' 既? 但係openrice comments不錯喎 就試下啦!
d檯凳唔多 而且客都唔多 靜靜地嘆個lunch真不錯~ 我地揀左張係中式既 矮矮地幾過癮!
基本有兩杯茶 可以睇menu再加錢試其他茶 今日趕時間 下次會叫返壺普利慢慢嘆~
set lunch $69 有個小菜+飯/粉/菜+甜品
豬頸肉 - 煎得金黃色 好多舊好香口好脆 唔算好油 有少少 '火農' 再點埋個甜甜酸酸既汁 正! 忍唔住撈飯食!
椰菜 - 白灼 一滴油一點調味都無 我最愛! 咁樣反而食倒菜既鮮味 evil再度淡淡然話 都係炒好味d... 唔理~ 我成碟食晒 好味好鮮甜!!!
牛腩 - 完全唔un 好有牛味 個清湯油都唔多滴非常清甜好有牛腩香味 就算飲左都唔會口乾 牛腩下又有椰菜 好野椰菜食過不停 浸完牛腩湯更香甜
菠菜魚柳雲吞 - 超水準之作! 一擺上檯已經呆左 感大碗既?! 包得咁得意既?! 成朵花咁! 個餡好大舊 咬落去熱辣辣 好有菠菜味既菠菜蓉加上軟綿綿白色既魚柳 食唔出有味精 鹹都唔鹹既雲吞好耐無食過! 湯底飲唔出係乜 但係照舊 唔鹹! 好有衝動想成碗飲晒!! 下面又係椰菜 好開心 成檯都係椰菜食到唔停
桂花糕 - 可能期望太高 有dd失望了 好凍凍到牙都痺左 賣相ok啦 好多桂花不過味唔重 加左雪耳 好特別 咬既時候唔覺得甜 無乜味 但係吞左之後一陣就發覺有d甜味在口中瑯瑯下喎! 好淡既桂花味好似係吞左先出喎! 咁神奇??? 不過個味始終唔夠搶...
唔知佢有無落味精 不過食唔出 就算有都應該好少! 味道清淡油都睇唔倒有滴 好有住家feel!!! 而且唔覺佢係馬虎求其煮碟野出黎 最鍾意就係試呢d小小舖頭 就係鍾意食佢地煮野既熱誠 料靚味道正 環境乾淨 真心希望佢做得住 絕對會返黎試dinner!!!
一致贊成碟碟都好食 米豬蓮8星受之無愧!
唯一可惜就係我地個位冷氣唔多夠...
張貼
