蔦 (已結業)

晚上經過登龍街，見呢間日本拉麵店好似幾好食咁，大約8點鐘似乎無人係出面排隊，於是同友人入左去呢間日本拉麵店嘅感覺好日式，而座位亦都以吧枱形式設計一坐低，店員即刻向我哋遞上Menu我同友人分別叫咗兩款拉麵，一款日式煎餃子同埋燒烤梅花肉鹽味味玉叉燒拉麵（細） $149見佢啲拉麵有分大同細，於是叫咗細嘅試試，一上枱其實碗拉麵都係好大份。呢款拉麵總共有四塊叉燒，每一塊都超級大塊，好啱啲食肉獸另外佢哋隻流心蛋都非常好味道湯底方面有少少鹽味，味道偏淡，唔會好濃烈！味增味玉拉麵（細） $113呢款湯底味道比上一碗拉麵濃少少，但係都唔似啲味精湯咁咸，叉燒得一塊，但係有好多粟米粒，好清甜日式煎餃子$45新鮮煎出爐，上枱仲熱辣辣，皮薄餡靚，好味道燒烤梅花肉$28望落雖然好似細細兜，但係入面真係有好多塊。本身以為佢係燒烤，可能好熱氣不過食落唔算太上火，味道亦都不會太鹹太重口味，可以一試。