利苑酒家 (創紀之城五期(apm))

營業中

休息中

冬至大如年，我哋一行17人，大大小小一齊食頓豐富的午餐 — 就是飲茶去～叫了片皮鴨啦，點心啦，當然少不了食湯丸應節啦～*我哋一早訂咗一張16人枱，訂咗冬至的星期日2pm。去到原來都要等位。2:30pm先有張16人枱坐。之後叫點心和片皮鴨，2:50pm 先上菜，味道唔錯😋。3:00pm左右就叫我哋埋咗張單，話先埋單之後慢慢食喎。嘩！真係有少少問題喎，嘢食都未嚟齊就巳經叫埋單，這是米芝蓮餐廳的服務質素嗎？嬲嬲哋，我話「我介意呀，遲啲先埋單吧。」店員聽到之後話OK，遲啲先埋單。*不久之後又話last order，我哋就即刻點了2碟炒粉麵飯和甜品。店員等我哋上齊菜之後又叫我哋埋單先，好吧，就埋單啦。我哋走嘅時候，差唔多4pm，原來已是最後一枱！*上網搜尋一下，餐廳原來原本下午3pm休息，但因為要配合做節，所以開到4pm，攪到食客要食快啲，店員也小了1小時休息。只可以説，今時唔同往日，米芝蓮餐廳都要叫食客要食快啲，做多幾枱。我明白，只好體諒一下啦。