影片
更多
2023-11-30
47 瀏覽
家全七福酒家係福臨門前主理人 － 七哥開嘅高級粵菜！灣仔分店更榮獲米芝蓮一星，質素絕對有保證，如果想食高級中菜，呢間真係值得嚟❤️✨蜜汁燒鱔$420外皮燒得香脆，鱔肉厚肉，用咗日式嘅做法去整中式嘅鱔，非常惹味～✨燒雲腿鴿甫（例）$380鴿甫即係乳鴿去骨切片，平時食乳鴿覺得最煩係要論骨，呢度就已經起晒片，勁方便😳呢啲功夫菜真係買少見少，碟邊放住薄切嘅雲腿，個皮脆身，增添口感，而味道好突出，欖仁味濃，仲要唔dry唔韌，應該係我食過最好食嘅雲腿🦵🏼✨蟹粉大良炒鮮奶(例）$420🦀正值蟹粉季節，一定唔少得食大閘蟹嘅餸菜！蟹粉甘甜，配搭味道唔算濃郁嘅炒鮮奶，咁就好夾，重點係炒到軟綿綿，一啲都唔容易，要好有耐性，而且份量比想像中多～✨釀焗鮮蟹蓋$250揭開麵包糠焗烤嘅外皮之後，清晰可見一絲絲蟹肉，另外加上大量炒到香甜嘅洋蔥絲同乾蔥，唔單止可以提鮮，仲增添口感～～🦀✨海鮮酸辣羮（碗）$240呢個酸辣湯好足料，調味啱啱好，同埋飲完成碗都唔會好滯💕✨竹笙鼎湖上素$260正正常常，冇乜特別甜品有合桃露同懷醬芝麻卷，菲林芝麻卷係細個推車仔年代最鍾意嘅點心，而家真係買少見少！！✍🏻後記作為高級中菜嚟講，店員嘅服
家全七福酒家係福臨門前主理人 － 七哥開嘅高級粵菜！灣仔分店更榮獲米芝蓮一星，質素絕對有保證，如果想食高級中菜，呢間真係值得嚟❤️
✨蜜汁燒鱔$420
外皮燒得香脆，鱔肉厚肉，用咗日式嘅做法去整中式嘅鱔，非常惹味～
✨燒雲腿鴿甫（例）$380鴿甫即係乳鴿去骨切片，平時食乳鴿覺得最煩係要論骨，呢度就已經起晒片，勁方便😳呢啲功夫菜真係買少見少，碟邊放住薄切嘅雲腿，個皮脆身，增添口感，而味道好突出，欖仁味濃，仲要唔dry唔韌，應該係我食過最好食嘅雲腿🦵🏼
✨蟹粉大良炒鮮奶(例）$420
🦀正值蟹粉季節，一定唔少得食大閘蟹嘅餸菜！蟹粉甘甜，配搭味道唔算濃郁嘅炒鮮奶，咁就好夾，重點係炒到軟綿綿，一啲都唔容易，要好有耐性，而且份量比想像中多～
✨釀焗鮮蟹蓋$250
揭開麵包糠焗烤嘅外皮之後，清晰可見一絲絲蟹肉，另外加上大量炒到香甜嘅洋蔥絲同乾蔥，唔單止可以提鮮，仲增添口感～～🦀
✨海鮮酸辣羮（碗）$240
呢個酸辣湯好足料，調味啱啱好，同埋飲完成碗都唔會好滯💕
✨竹笙鼎湖上素$260
正正常常，冇乜特別
甜品有合桃露同懷醬芝麻卷，菲林芝麻卷係細個推車仔年代最鍾意嘅點心，而家真係買少見少！！
✍🏻後記
作為高級中菜嚟講，店員嘅服務質素一定有返咁上下，同埋上菜速度店員真係會因應我哋食嘢嘅速度，確保每一碟菜都係熱辣辣，唔會凍咗，好貼心❤️另外呢度作為慶祝生日嘅地方都一流，因為有六間包廂～～
張貼
