影片
更多
2016-12-28
315 瀏覽
返排天氣時凍時熱，終於都病咗。行開太子旺角想食嘢，唔想食重味精，又唔想食嗰d傷風感冒餐，真係諗咗好耐同朋友食乜...又係靠朋友推介 (呢間假假地都係米芝蓮餐廳) 先識嚟，不過標榜咁健康，抵喺奧海城行多一兩步過嚟啦。病咗嘅人口啖啖，食嘢都唔想食，湯同粥真係病人恩物，飽肚又令到我開胃返d。呢度仲分清燉同濃燉，同朋友叫咗松茸同牛肝菌。松茸燉湯 $40松茸湯。真係估唔到出到街都有屋企煲嘅風味，仲有好大件雞，非常足料。完全唔油膩，好清香鮮甜，口啖啖嘅我終於有返d食慾!牛肝菌燉湯 $33牛肝菌菌香味好濃郁，冬天飲感覺好滋補，湯渣全部食晒!我同朋友跟餐配咗米線，係唔配湯㗎! 要食得健康d吖嘛...冇可能加返個普通湯底俾你㗎係咪? 所以牆身都寫明，覺得dry可以撈餸嘅汁，或者加少少燉湯食。要讚一下個菜冇'lie'過油，係我最鍾意嘅煮菜style，覺得咁先最有菜味。黑蒜香菇雞腿 $16呢個黑蒜香菇雞腿煮得好嫩滑，件件雞脾肉，煮到入晒味，而且完全唔肥冇肥膏! 個汁撈米線好正!黑松露蒸蛋 $18如果叫黑松露蒸蛋，我覺得撈飯會夾啲，早知叫一個飯一個米線啦....可以喺小區經營一間食肆仲要選為米芝蓮餐廳，真係
病咗嘅人口啖啖，食嘢都唔想食，湯同粥真係病人恩物，飽肚又令到我開胃返d。呢度仲分清燉同濃燉，同朋友叫咗松茸同牛肝菌。松茸燉湯 $40
松茸湯。真係估唔到出到街都有屋企煲嘅風味，仲有好大件雞，非常足料。
完全唔油膩，好清香鮮甜，口啖啖嘅我終於有返d食慾!牛肝菌燉湯 $33
牛肝菌菌香味好濃郁，冬天飲感覺好滋補，湯渣全部食晒!
我同朋友跟餐配咗米線，係唔配湯㗎! 要食得健康d吖嘛...冇可能加返個普通湯底俾你㗎係咪? 所以牆身都寫明，覺得dry可以撈餸嘅汁，或者加少少燉湯食。要讚一下個菜冇'lie'過油，係我最鍾意嘅煮菜style，覺得咁先最有菜味。黑蒜香菇雞腿 $16
呢個黑蒜香菇雞腿煮得好嫩滑，件件雞脾肉，煮到入晒味，而且完全唔肥冇肥膏! 個汁撈米線好正!黑松露蒸蛋 $18
如果叫黑松露蒸蛋，我覺得撈飯會夾啲，早知叫一個飯一個米線啦....
可以喺小區經營一間食肆仲要選為米芝蓮餐廳，真係好唔簡單! 係就係細舖逼咗d，8點半仲要等一陣位...不過食得出款款湯同餸唔係求其配搭同調味，仲要以返健康為主，真係諗唔到唔幫襯嘅理由。
張貼
